އިންތިޚާބްވެފައިވާ ބަޔަކަށް ޚިޔާލުފާޅުކުރުމުގެ މިނިވަންކަން ހަޖަމްނުކުރެވުމަކީ ތަސައްރަފްނުފުދުން

އަޅުގަނަޑު ވަޒީފާއަދާކުރަން ފެށިފަހުން މިވީހާތަނަށް ހޯނޑެއްދޫ ސްކޫލްގައި މަސައްކަތްކޮށްފައިވާނީ އިޚްލާސްތެރިކަމާއި ތެދުވެރިކަމާއިއެކުގައެވެ. ހަމައެހެންމެ ވަޒީފާގައި އަދާކުރަންޖެހޭ އެއްވެސް ޒިންމާއެއް އަދާނުކޮށް ނޯންނާނެއެވެ. އަދި އަޅުގަނޑަށް އެގިގެން ރަސްމީގޮތުން އަޅުގަނޑާއި ބެހޭ މައްސަލައެއް ސްކޫލަށް އެއްވެސްފަރާތަކުން ހުށަހަޅާފައި ނޯންނާނެވެ. އަދިއެފަދަކަމެއް ސްކޫލުންވެސް ފާހަގަކޮށްފައި ނުވެއެވެ.
ކަންމިހެން އޮތްހިނދު 29 އެޕްރީލް 2012 ވަނަ ދުވަހު ހޯނޑެއްދޫ ކައުންސިލުން އެޑިއުކޭޝަން މިނިސްޓްރީއަށް ފޮނުވާފައިވާ ސިޓީގައި އަޅުގަނޑުގެ އަޤްލާގީ މައްސަލަތަކެއް ހުރިކަމަށްބުނެ  އަޚްލާގީ ގޮތުން ބޭއަދަބީ ބަހުރުވައެއް ބޭނުން ކުރާކަމަށްބުނެ އެކަމުގެ ހައްލެއް ހޯދުމަށް އެދިފައިވެއެވެ. މިވީހާތަނަށް ރާއްޖޭގެ ޝަރުއީ އެއްވެސް ކޯޓެއްގައި އަދި ފުލުސް އޮފީހެއްގައިވެސް އަޅުގަނޑުގެ މައްސަލައެއް ނޯންނާނެއެވެ. އަޅުގަނޑާމެދު ތުހުމަތުކޮށް ހޯނޑެއްދޫ ކައުންސިލުން ފޮނުވާފައިވާ ސިޓީއަކީ އޭގައި އެއްވެސް ހަޤީގަތެއް އެކުލެވިގެންވާ އެއްޗެއް ނޫނެވެ. އަދި އަޅުގަނޑު ގަބޫލުކުރާގޮތުގައި ވަކި ސިޔާސީ ފިކުރަކަށް ތަބާވާ ބަޔަކަށް ސިވިލް ސާވެންޓެއް ވަޒީފާއި ދުރުކުރުމަށް މަސައްކަތްކުރުމަކީ އޭގައި ޒާތީ ކަންތައްތަކެއް އެކުލެވިގެންވާ ކަމެކެވެ.

ސިވިލް ސާވެންޓްގެ ކޯޑް އޮފް ކޮންޑެކްޓާއި އަޅުގަނޑު ޚިލާފްވެއްޖެ ނަމަ އެއްވެސް ފިޔަވަޅެއް އެޅޭނީ ސިވިލް ސާވިސްގެ އޮންނަ ޕްރޮސެސްއެއްގެ ތެރެއިންނެވެ. ސިވިލް ސާވިސް ޤާނޫނުންސިވިލް ސާވެންޓުންނަށް ސިޔާސީ ހަރަކާތްތަކުގައި ބައިވެރިވުމުގެ ހައްޤުލިބިގެންވެއެވެ. އަދި ދިވެހި ޖުމްހޫރިއްޔާގެ ޤާނޫނު އަސާސީގެ އަސާސީ ހައްޤުތަކާއި މިނވަންކަމުގެ ބާބުގެ 27 ވަނަ މާއްދާގައި ބުނަނީ ކޮންމެ ދިވެހި ރައްޔިތަކަށްވެސް މިނިވަންކަމާއިއެކު ފިކުރު ކުރުމާއި، އިސްލާމް ދީނުގެ އަސްލަކާއި ޚިލާފްނުވާގޮތެއްގެ މަތިން އެމީހެއްގެ ބުއްދިއަށް ފެންނަގޮތާއި، ޚިޔާލުތައް ދުލާއި ގަލަމުން އަދި މިނޫންވެސް ގޮތްގޮތަށް ފާޅުކުރުމުގެ ހައްޤު ލިބިގެންވެއެވެ. ވީހިނދު އަޅުގަނޑު ގަބޫލްކުރާ ސިޔާސީ ފިކުރެއް ފާޅުކޮށް ސިޔާސީ ޕާޓީތަކުގެ ހަރަކާތުގައި ބެއިވެރިނުވޭވޭނެ އެއްވެސް ހުއްޖަތެއް ދިވެހިރާއްޖޭގެ ހެދިފައިވާ ޤާނޫނުތަކުން ހޯނޑެއްދޫ ކައުންސިލަކަށް ދެއްކޭކަށް ނޯންނާނެއެވެ. ދިވެހިރާއްޖެއަށް އައިސްފައިމިވާ ޑިމޮކްރެޓިކް ބަދަލާއިއެކު ޤާނޫނީ އިމުގެ ތެރެއިން ކަންކަންކުރުމަށް ހޯނޑެއްދޫ ކައުންސިލަށް އިންތިޚާބްވެފައިވާ ބަޔަކަށް ނޭގުންއެއީ ވަރަށްވެސް ހިތާމަހުރިކަމެކެވެ. އަދި އެބޭފުޅުން ލަދުގަންނަން ޖެހޭނެ ކަމެކެވެ.

އަޅުގަނޑު ގަބޫލްކުރާ ސިޔާސީ ފިކުރަކާހުރެ ވަޒީފާއިން ވަކިކޮށްފާނެކަމީ އަޅުގަނޑު ކުޑަކޮށްވެސް ޖެހިލުންވާކަމެއް ނޫނެވެ. އަދި އެންމެ އިންޗިއެއްވެސް ފަހަތައް ޖެހޭނެ ކަމެއްނޫނެވެ.އެހެންނަމަވެސް މިފަދަ އިޖްތިމާއީ ބޮޑު ޚިދުމަތެއް ފޯރުކޮށްދެމުންދާ ހިނދެއްގައި ސާބިތު ނުހިފޭ ވާހަކަތަކެއް ހޯނޑެއްދޫ ކައުންސިލުން ދެއްކުމަކީ އަޅުގަނޑު ނުހަނު ކަންބޮޑުވާކަމެކެވެ. އެހެންނަމަވެސް ތަސައްރަފް ނުފުދޭ ސިޔާސީވެރިން މިފަދަ ވާހަކަދެއްކުމަކީ ހައިރާންވާކަމެއް ނޫނެވެ. ދާދިފަހުން ހޯނޑެއްދޫ ކައުންސިލް މެންބަރ މުޙައްމަދު އަޔާޒު ވަކިކުރުމަށް ޤަރާރެއް ފާސްކުރުމަކީވެސް ހަމަ މިފަދަކަމެކެވެ. ޤާނޫނީގޮތުން ކައުންސިލްގެ ޒިންމާއަދާ ނުކުރެވޭ އަދި ޤާނޫނީ ޒިންމާ އަދާނުކުރެވޭ ބަޔަކަށް ޚިޔާލުފާޅުކުރުމުގެ މިނަވަންކަން ހަޖަމްނުކުރެވުމަކީ ހަމަ ތަސައްރަފްނުފުދޭކަމެވެ.

ހޯނޑެއްދޫ ކައުންސިލްގެ ސިޓީ ކިޔުއްވުމަށް Hoadedhoo council letter

ވަތަންގެ ދަރިންނަށް ގޮވައިލުމެއް: “ވަތަން އެދޭ ގޮތަށް” މިލަވައިގެ ހަގީގަތަކީ ކޮބާ؟

ހަވިރު ނޫހުން ނަގާފައި – އާދަމް ހަލީމް

ގައުމުވަންތަ އަޑަކުން ކިޔާފައި އޮންނަ މި ލަވަ އެންމެންގެ ދުލަށް ވެސް މިހާރު ވަރަށް ފަސޭހަ ވެއްޖެ އެވެ. ގިނައިން ކިޔައިލެވޭ ރީތި، މަޝްހޫރުކަން ބޮޑު ލަވައަކަށް ވެސް ވެއްޖެ އެވެ.

އެއް ދުވަސްވަރަކު ސްކޫލުތަކުގައި ދަރިވަރުން، ދިދަ ނަގާއިރު ކިޔަމުން އައި ލަވައިގެ މަތިން ހަނދާން ނެތި އަހަރުތަކެއް ދިއުމަށް ފަހު އަލުން އިވެން ފެށީ ރާއްޖެ މިހާރު ދެކެމުން އަންނަ އިސްލާހީ ބަދަލުތައް ފެށުނު ހިސާބުގަ އެވެ. ހާއްސަކޮށް އެމްޑީޕީގެ ހަރަކާތްތަކުގެ ތެރެއިންނެވެ. ރާއްޖޭގެ ޒަމާނީ ޑިމޮކްރެޓިކް ވެށީގައި މި ލަވައިގެ މަޝްހޫރުކަން ވަކީން ބޮޑުވީ މިދިޔަ ރިޔާސީ އިންތިހާބުގެ ދެވަނަ ބުރުގައި އިއްތިހާދުގެ ބައިވެރިންގެ ޝިޔާރެއްގެ ގޮތުގައި “ވަތަން އެދޭ ގޮތަށް” ބޭނުންކޮށް ލަވައިގެ އަޑު ގަދަ ކުރުމުންނެވެ.
މި ހާއްސަ ލަވައިގެ ހަގީގަތް އެނގެނީ ކޮން ބަޔަކަށް، ކިހާ ވަރަކަށް ހެއްޔެވެ؟

“ވަތަން އެދޭ ގޮތަށް” މި ލަވަ ހެއްދެވީ ކުރީގެ ރައީސް މުހައްމަދު އަމީނެވެ. އެ މަނިކުފާނު މި ޅެން ހައްދަވާފައި ވަނީ “ވަތަންގެ ދަރީންނަށް ގޮވައިލުމެއް” މި ސުރުހީގެ ދަށުން، ދިވެހި ރައްޔިތުން ދިވެހި ގައުމު ދެކެ

ލޯބިވުމަށް ކުރައްވާފައިވާ ހާއްސަ އިލްތިމާސެއް އަދި ވަސިއްޔަތެއްގެ ގޮތުގައިކަން ޅެމުގެ މާނައިން އެނގެ އެވެ.

އެ މަނިކުފާނުގެ އަރިހުގައި މަސައްކަތްކުރެއްވި ބައެއް ބޭފުޅުން ވެސް ވިދާޅުވަނީ އެއީ ގައުމީވަންތަކަމުގެ އަސަރުގައި ހެއްދެވި ޅެމެއް ކަމަށެވެ.

ރައީސް އަމީނުގެ ދަރިކަނބަލުން އަމީނާ މުހައްމަދު އަމީން ( ފަރަހަނާޒް ފައިސަލްގެ މަންމާފުޅު) އާއި 2000 ވަނަ އަހަރު ބައްދަލުވި އެވެ. ދެކެވުނު ވާހަކައިގައި ރައީސް އަމީންގެ ހަޔާތްޕުޅުގެ އެކި ދިމަދިމާ އިން ކުރިފަޅައިގެން ގޮސް “ވަތަން އެދޭ ގޮތަށް” އެ ލަވަ ހެއްދެވި ގޮތުގެ ވާހަކަ އަމީނާ ސިފަކޮށް ދެއްވި އެވެ. ވިދާޅުވީ ބައްޕާފުޅު އެ ލަވަ ހެއްދެވީ އިންޑިޔާގެ ސިނަމާއެއްގައި ފިލްމެއް ބެއްލެވުމަށް ފަހު އެނބުރި ގެއަށް ވަޑައިގެން އެންމެ ފަސް މިނެޓްގެ ތެރޭ ކަމަށެވެ. ސިނަމާގައި އިންނެވި އިރު ވެސް ހިތްޕުޅުގައި ޅެމުގެ އެމުނިއެކުލެވުން މުޅިން ތަރުތީބުކުރައްވާފައިވާހެން ހީފުޅުވާ ކަމަށް ވެސް އޭނާ ވިދާޅުވި އެވެ.

އަމީނާގެ ވާހަކައިން “ވަތަން އެދޭ ގޮތަށް” އެ ލަވަޔަކީ އަމީން ބެއްލެވި ހިންދީ ފިލްމުގެ ތެރޭން އައި އިހުސާސަކުން ހެއްދެވި ލަވައެއްކަން އެނގެ އެވެ.

އެއީ ކޮން ފިލްމެއް ހެއްޔެވެ؟ “ވަތަން އެދޭ ގޮތުގެ” ރާގަކީ އެ ފިލްމުގެ ރާގެއްގެ ނަކަލު ހެއްޔެވެ؟

ރައީސް އަމީނުގެ މި ހާއްސަ ލަވަޔަކީ އިންޑިޔާގައި ވަރަށް މަޝްހޫރުވި ފިލްމެއް ކަމަށްވާ “ޝަހީދު” ގައި ހިމެނޭ ލަވައެއްގެ ރާގެވެ. “ވަތަން އެދޭ ގޮތަށް” މި ލަވައިގައި ހިމެނޭ ބަސްތަކާއި ޖުމްލަ ވާހަކަތަކަކީ ވެސް އެ

ލަވަ އެވެ. އެހެންކަމުން ރައީސް އަމީންގެ “ވަތަންގެ ދަރީންނަށް ގޮވައިލުމެއް” މި ލަވައިގެ އަސްލަކީ 1948 ވަނަ އަހަރު ނުކުތް “ޝަހީދު” ގައި ހިމެނޭ “ވަތަންކެ ރާހްމޭ ވަތަންކެ ނޯޖަވާން ޝަހީދުހޯ” މިލަވަ އެވެ.
“ވަތަން އެދޭ ގޮތަށް” އަލުން މަޝްހޫރުވީ މިހާރުގެ ސިޔާސީ ޕާޓީގެ ހަރަކާތްތަކުގެ ތެރެއިންނެވެ. ރާއްޖޭގައި ފުރަތަމަ ސިޔާސީ ޕާޓީއެއް އުފެއްދެވީ އަމީނެވެ. ބައެއް ތާރީހީ ބޭފުޅުން ވިދާޅުވާ ގޮތުގައި އަމީނު މި ލަވަ ހައްދަވާފައި ވަނީ ފުރަތަމަ ސިޔާސީ ޕާޓީ، މުތަގައްދިމް ޕާޓީ ނުވަތަ ޕީޕަލްސް ޕްރޮގްރެސިވް ޕާޓީ (ޕީޕީޕީ) އުފެއްދެވި ދުވަސްވަރު އެ ފޯރީގެ ތެރޭގަ އެވެ. ޕީޕީޕީ އުވާލާފައި ވަނީ އޯގަސްޓް ،22 1943 ގަ އެވެ. އަމީނު ނަކަލު ކުރައްވާފައިވާ ރާގު ހިމެނޭ ހިންދީ ފިލްމު ނުކުތީ 1948 ގަ އެވެ. އެހެންކަމުން ޕީޕީޕީގެ ހަރަކާތްތަކާ މި ލަވަޔާ ގުޅުމެއް ނެތެވެ.
“ޝަހީދު” ފިލްމަކީ އިނގިރޭސީންގެ އަތްދަށުން އިންޑިޔާ މިނިވަންވުމަށް ކުރި ހަނގުރާމައިގެ މައްޗަށް ބިނާކޮށްފައިވާ ފިލްމެކެވެ. އަމީންގެ ގާތް ބޭފުޅެއް ކަމަށްވި އަބްދުﷲ ސޯދިގު (ސޯދުބޭ) ވިދާޅުވާ ގޮތުގައި ރައީސް

އަމީން މި ލަވަ ހެއްދެވީ ފިލްމެއް ބެއްލެވުމަށް ފަހު އެ ފިލްމުގެ އަސަރުގައި ވަރަށް ބޮޑަށް ޖެހިވަޑައިގެނެވެ.

“އަބަދުވެސް އެ ވާހަކަފުޅު ދައްކަވާ ހައްދަވާނެ، އެކަމަކު އަމީނާ އެހެން ވިދާޅުވާ ކަމަށްވަންޏާ އެގޮތަށް ކަމަށް އެވާނީ، އެއީ އަމީނާގެ ހަނދާނުގައި އެކަން ވަރަށް ރަނގަޅަށް ހުރީ،” ސޯދިގު ވިދާޅުވި އެވެ.

ފިލުމުގެ އަސަރުގައި ހައްސާކޮށް އެފިލްމުގައި ހިމެނޭ ލަވައިގެ ބަސްތަކުން އަމީންގެ ހިތްޕުޅަށް އަސަރު ކުރުވައިގެން ލަވަ ހެއްދެވިކަން އެނގޭ އަނެއް ކަމަކީ މުޅި “ޝަހީދު” ފިލްމުގެ ވާހަކަ ސަރުކާރު ހަބަރުގައި އަމީނުގެ ގަލަމުން ލިޔުއްވާފައި އޮތުމެވެ.

ހިންދީ ލަވައިގެ ޅެން ހަދާފައި ވަނީ އިންޑިޔާ މަޝްހޫރު ޅެންވެރިއެއް ކަމަށްވާ ގަމަރު ޖަލާލު އާބާދީ އެވެ. އޭނާ އަކީ ޕާކިސްތާނުގެ ޖަލާލު އާބާދުގައި 1919 ވަނަ އަހަރު އުފަންވި ޅެންވެރިއެކެވެ. އަވަހާރަވީ ޖެނުއަރީ ،9 2003 ގަ އެވެ. އޭނާގެ ޅެމުގައި ބުނަނީ މިހެނެވެ:
ގައުމުގެ ޒުވާނުން ގައުމަށްޓަކައި ޝަހީދުވާންވީ އެވެ.

މި އުޑާއި މިބިން ޝަހީދުވުމަށް ގޮވާލަ އެވެ.

ޝަހީދުންނޭވެ! ތިޔަބައި މީހުންގެ ޝަހީދުވުމަކީ ގައުމުގެ ދިރުމެވެ.

މި ގައުމުގެ ރޫހް ދިރިގެންދާނީ ތިޔަބައި މީހުންގެ ލެއިންނެވެ.

ތިޔަބައި މީހުން ޝަހީދުވެގެން ދިޔަ ބިމުގައި މައުމެލާމެލި ފަރިވެ ފޮޅޭނެ އެވެ.

އަޅުވެތި ވެފައިވާ މީހުންނޭވެ. ތެދުވާށެވެ. ގައުމުގެ ދުޝްމަނުންެގެ ކިބައިން ބަދަލު ހިފާށެވެ.

ތިޔަބައި މީހުންގެ ތިޔަ ދެ މުލައްދަނޑިން ހަންޖަރުގެ ބޭނުން ހިފާށެވެ.

މި ގުލްޝަނަށްޓަކައި ގުލްޝަން ބަލަހައްޓާ މީހުން ޝަހީދު ވާންވީ އެވެ.

ތިޔަބައި މީހުންގެ ޖޯޝުގެ ވަރުގަދަކަމުން ފަރުބަދަތައް ވެސް ތުރުތުރު އަޅާވަރު ކޮށްލާށެވެ.

ތިޔަބައި މީހުންގެ ލެއިން އުޑުމަތީގައި އިންގިލާބު ލިޔެލާށެވެ.

ޝަހީދުންނޭވެ! ތިޔަބައި މީހުންގެ ވަޒަނަކީ ބިމެއް ނޫނެވެ. އުޑެވެ.

އަމިއްލަ ފުރާނައަށް ވުރެ ގައުމުގެ އަބުރަށް ލޯބިކުރާ މީހާ އެވެ.

އެޒުވާނުން މިއަދު އެދަނީ ކިހާ ފަހުރުވެރި ކަމާއެކުގައި ހެއްޔެވެ؟

އެޒުވާނުންނަށްޓަކައި ހުރިހާ ޒުވާނުން ޝަހީދުވާން ވީ އެވެ.

މިއަލިގަދަ ބައްތިތަކުގެ މައިންނަކީ ކޮންފަދަ ނަސީބު ގަދަ ބައެއް ހެއްޔެވެ؟

މި ތާޖުތައް އެޅިގެންވާ ބޯތަކުގެ ވެރިންވީ ކޮން ތާކު ހެއްޔެވެ؟

ތިޔަބައި މީހުން ޝަހީދުވެގެން ދިޔަ ގައުމަކީ ބާއްޖަވެރި ގައުމަކަށް ނުވާންވީ ކީއްވެގެން ހެއްޔެވެ؟

އަމީނު އަބަދުވެސް ވިދާޅުވާ ވާހަކައެއް އޮވެ އެވެ؛ އެ މަނިކުފާނަކީ ޅެންވެރިއެއް ނޫން ކަމަށާއި އެ މައިދާނުގައި ފަސްބާޑިޖެހި މީހެއް ކަމަށެވެ. އެހެންނަމަވެސް މިހާރުގެ ޅެންވެރިން ވެސް ކުރީގެ ޅެންވެރިން ވެސް ބުނަނީ

ޅެންވެރިކަމުގެ މައިދާނުން އަމީނު ކޮންނެވީ މުޅިން ވެސް ރީތި ފަސް ކަމަށެވެ.
ގަމަރު ޖަލާލް އާބާދީގެ ލަވަޔާ އަމީނުގެ ލަވަޔަށް ބަލާއިރު ވެސް އިހުސާސަކީ އެކައްޗެކެވެ. އަސްލު ލަވަޔަށް ގަމަރު ޖަލާލް އާބާދީ ގެނުވާފައިވާ ގައުމީ އިހުސާސް ދިވެހިންނާއި ދިވެހި ގައުމަށް ނިސްބަތްވާ ގޮތަށް ރައީސް

އަމީނު ވެސް ސިފކޮށްދެއްވާފައި ވަނީ މޮޅަށެވެ.
އެހެންނަމަވެސް އަމީނުގެ ލަވަޔަށް ލިބުނު މަޝްހޫރު ކަމުގެ ތެރެއިން މިހާރުގެ ހާލަތަށް ގުޅުވައިގެން މިހާރުގެ ޅެންވެރިޔަކު މި ލަވައިގައި ސަމާސާ ސިފައެއް ވަނީ ޖައްސާފަ އެވެ. ނަން ހާމަކުރަން އުޒުރުވެރިވާ އެކަމަކު

މަޝްހޫރު ޅެންވެރިޔާ މިލަވަ ސަމާސާކުރަނީ، “ވަތަން އެދޭ ގޮތެއް ބަލައިނުލާ، ފަށާށެ އަދު މަގާމު ދޭން!
ވަތަންގެ އާ ޒައީމުނޭ، ފަށާށެ ބޮޑު މުސާރަ ދޭން!” މިހެނެވެ.

ޗެޕްޓާރ – 2 އާދަޔާޚިލާފު އެންގޭޖްމެންޓް

މުސްކުޅިޔާގެ ބުނުމަކަށް ބަދަލެއްނައެވެ. އަހަރެން އެހެންބުނުމާއިއެކު މުސްކުޅިޔާއަށްހީވީ ކަރަންޓް ޝޮކެއް ޖެހުނުހެންނެވެ. އަހަރެންގެ މާކަނާކަރުފަދަ ކަރުގައި ހިފައި ޗިޗަންޑާއެއްފަދަ ދެފައި ބިމުން ހިއްލައިލިއެވެ. އަދިބުންޏެވެ. ” ހާމޯޝް ތުމަރާ ހިންމަތް”‘ އަހަރެން ކުއްލިއަކަށް ބުނެލީމެވެ. ” މުޖޭ މަންޒޫރުހޭ. މޭތުމާރާ ދަރިފުޅާ ޝާދީކަރުތާހޭ” ހަމައެއާއިއެކު އަހަރެން އޭނާގެ އަތްމަތީގައި ބާއްވައި ކުޑަކުއްޖަކު ނިންދަވާ ބީދައިން ތަޅުވަންފަށައިފިއެވެ. އަދި އަޑުގައި ހުރި ބާރެއް ލަފައި ފެށިއެވެ.” ނިންދެވީތި މެމަތީ . މިތުރާ ގަޔާވެލީ އޫ އޫ އޫ….

މިހެންކިޔާފައިގޮސް އޭނާ އަހަރެން ބެހެއްޓީ ހިކަނދި ހޮރެއްފަދަ ކޮޓަރިއެއްގެ ކުރިމަތިގައެވެ. އަދިބުނެލިއެވެ. މިކޮޓަރީގައި އަހަރެންގެ ފަތްމިނި ޕަރީއެއްފަދަ ރީތި ޗަބޭލީ ދަރިފުޅު އިންނާނެއެވެ.މިހެންބުނެ އަހަރެން ބިންމަތީގައި ބެހެއްޓިއެވެ. އަދި އޭނާ ފުއްޓައްކެއް ޖެހުމަށްފަހު ޢައިބުވެއްޖެއެވެ. މާޔޫސްކަމުގާ ދިރިމަހުރީމޭ މިހެންކިޔައި ކުރިއަށް ހިގާންއޮތް ކަންތައްގަނޑުނޭގޭ ހާލުގައި އަހަރެން ކޮޓަރީގެ ދޮރު ހުޅުވައިލީމެވެ.

ވަށައިގެން ރޮކޮށްފައިވާ އުއްބައްތިތަކުން މުޅިކޮތަރިވަނީ ޒީނަތްތެރިކޮށްފައެވެ. ނަމަވެސް ދުވާ ހިކަނދިވަހަކުން ނޯއްދަމާލާކަށް ނުކެރެއެވެ. ކޮޓަރީގެ ކަނެއްގައި ބަހައްޓާފައިހުރި އެނދެއްގެ މަތީގައި ފުރަގަސްފަރާތައް އެބުރިގެން އިން އަންހެނާ ދިމާލަށެވެ. ބަލާބެލުމަށް އެއި ފަތްމިންޏެކެވެ. ސާދަވިލޭރޭގެ ހަނދެކެވެ. ނަމަވެސް ހިތާމަޔަކީ އަހަންނަށް އޭނަގެ މޫނު ނުފެންނަކަމެވެ. ނިކަގަހެއްގެ މޫނުފަދަ އެބުޅި އިސްތަށިގަނޑުން ވަނީ އޭނާގެ ކަނދުރާ ކަޝްފްކޮށްފައެވެ. އަހަރެންގެ ހިތަށްހީވީ ހިނި ކަށިޖަހާހެންނެވެ. އެއްވެސް ވިސްނުމެއްނެތި އަހަރެން މޮޑެވިފައިވާ ގިތޮޔޮބަކައްޓެއްހެން ހިގަމުންގޮސް އޭނާގެ ގާތަށް ހުއްޓުނީމެވެ. އަދިއެއަންހެނާގެ ކޮނޑުގައި އަހަރެންގެ އަތުން ފިރުމައިލީމެވެ. އިޝްކީގޮތަކަށެވެ.

ހަމައެއާއިއެކު އޭނާ ކަތިނަޒަކުން ބަލައިލިއެވެ. ކަމަކުދާކަށްނެތެވެ. އަހަންނަށް ހުރެވުނުތަނެއް ޚުދު އަހަންނަށްވެސް ނޭގެއެވެ. ގޮރިއްލާ މޫނުފަދަ މޫނެކެވެ.ދެލޯ ހީވަނީ ބަކަމޫނެއްގެ ދެލޯހެންނެވެ. ނޭފަތްވަނީ އެތުގެ ހޮނޑުފަދައިން އެލިފައެވެ. އޭނާގެ ދަތްފިލަ ސަންތީގެ ދަތްފިލަފަދައިން ބޭރަށް ދިގުވެފައިވެއެވެ. އެކިބާވަތްބާވަތުގެ ކުދި ފަނިފަކުސަ އެދަތްޕިލަމަތީ މަޖާކުރަމުން ގެންދެއެވެ. އޭނަގެ ދެއަތުން އަހަރެންގެ އަތުގައި ހިފިއެވެ. އަހަންނާ ހަތަރުކަޅި ހަމަކޮށްލިއެވެ. އަދި ބީރުވެފައިވާ ހިމާރުގެ އަފަދަ އަޑަކުން ލަވައެއް ކިޔަން ފެށިއެވެ. އޭނާގެ މުޅި ހަށިގަނޑު ތަޅުވަމުންނެވެ. ” އިޝްކުގެ ހޫނުގެ ހުޅުގަނޑުގާ ! އާއެދެރުހު މުޅިން އަދައޭ. އޯހޯހޯ!”

އެކިރާގުރާގަށް އޭނާ ލަވަކިޔަމުން ގެންދިޔައީ ދުވަހަކުވެސް ނުފެންނަ އެއްޗެއް ފެނިގެން އުޅޭހެންނެވެ. އަހަރެންގެ ބޮލަށްވީ އުދަގުލެއްގެ ބޮޑުކަމުން އަންހެނާގެ މޫނުމަތީގައި އަތުހުރި ބާރެއްލާފައި ބޮޑިއެއް ވިއްލާލީމެވެ. އެހިނދު އޭނަގެ ރޮއިހޭރުމުގެ އަޑުން މުޅިތަން ގުގުމައިލިއެވެ. ރޮއިހޭރުމުގެ އަޑަށް ކެތްނުކުރެވިގެން އަހަރެން އޭނާގެ ހަރުއިސްތަށިގަނދުގައި ފިރުމައިލަމުން ” ނޮރޯށެ ކޮއްކޯ މެޓާލިބޭނެ..ނޯރޯކުދިން މޮލޭ ދަރިފުޅާ!” މިބައިތު ކިޔައިލީމެވެ. އޭނާ ހަމަޔަކަށް އެޅުނުތަނާ އޭނަގެ ގެބައްޕަ ހުނިގޮޑިއެއްފަދަ އެއްޗަކަށް އަރައިގެން އެތަނަށް އަތުވެއްޖެއެވެ. އަދި އޭނަގެ ޖީބުން އަގޮޓިއެއް ނެގިއެވެ. އަދިބުންޏެވެ. މިއީ އަހަރެންގެ ދަރިފުޅުގެ އެންގޭޖްމެންޓް ރިންގެވެ. މިހެންކިޔައި އޭނާ އެއަގޮޓި އަހަރެންގެ މުށުގައިލިއެވެ. އަދިބުންޏެވެ. ތިއަނގޮޓި އަހަރެންގެ ދަރިފުޅުގެ އިގިލީގައި އަޅާށެވެ. އެވަގުތު އަހަރެންގެ ދިރިއުޅުމާއިމެދު އަހަންނަށް ވިސްނުނެވެ. އަހަރެންގެ ލޯބިވާ ޝަތުރާއާއިމެދުގައެވެ. ނަމަވެސް ބޭއިޚްތިޔާރުގައި އަހަރެން އެއަގޮޓި އޭނާގެ ތިންއިގިލީގެތެރެއިން ކުޑައިގިލީގައި އެޅީމެވެ. ހަމައެއާއިއެކު މުޅިތަނަށް އެކިކުލަކުލަތައް ވެރިވާން ފެށިއެވެ.

ޝަތުރާގެ ޑައިރީ

ޗެޕްޓާރ – 1  ބިރުވެރިކަމުން ފުރިގެންވާ ރޭ

ސީނިއާ/މޯޑް

މެންދަމުގެ ހަމަހިމޭން ވަގުތެވެ. ރަށުގެ އެންމެން ނިދީގެ ފޮނިމީރުކަން ހާސިލްކުރަމުންދާއިރު ތަންކޮޅެއް އެކަހެރި ހިސާބެއްގައި ހުރި ޖިފުޓިގަޑެއްގެ ތެރެއިން ވަރަށް ބަލިގޮތަކަށް ކެއްސާއަޑު ކެނޑިނޭޅިއިވެމުންދެއެވެ.އަހަރެން ހުރީ އެގެއާއި 10 ވަރަކަށް ފޫޓް ދުރުގައެވެ. ހަނދުގެ ދޯދިތަކުން މުޅި ސަރަހައްދު ވަށައިގެންވާ ގަސްތަކުގެ ފަތްތައްވަނީ ދިއްލާލެވިފައެވެ. އެކި ބާވަތްބާވަތުގެ ފަނިފަކްސަތަކާއި ސޫފިތައް ގޮވާއަޑުންވަނީ އަހަރެންގެ ކަންފަތް ފުރާލައިފައެވެ. އެހިނދު ފެންޗަޕަލަކަށް އަރައިގެން ހުރި އަހަރެން ފިޔަވަޅަކަށްފަހު ފިޔަވަޅެއް ކުރިއަށް އަޅަމުން ވަށައިގެންވާ އަޑުތަކަށް ނަށަމުން ކަހަލަގޮތަކަށް ކުރިމަތީގައިވާ ޖިފުޓިގަނޑާއި ދިމާލަށް ހިގައިގަތީމެވެ. ހާސްކަމެއް ނެތި ދޮރުގެ ތަޅުގައި ހިފާ ހުޅުވައިލީމެވެ. އެހިނދު އަތްފައި ފިނިވާން ފަށައިފިއެވެ. މޭގަނޑު ކެކިގެންފި ކަހަލައެވެ. އެމޭގަނޑުގައިވާ ހިތް ކަރުބުރިކޮށްލައިފައިވާ ކުކުޅެއްހެން ތެޅެން ފަށައިފިއެވެ.

ބޭއިޚްތިޔަރުގައި ނަމަވެސް އަހަރެއް އެދޮރު ހުޅުވާލައިފީމެވެ. ”ސުބުހާނަﷲ” މުޅިތަނަށް ޒަލްޒަލާއެއް ވެރިވެގެންފި ކަހަލައެވެ.ކުރިމަތީގައިވަ ފަތްޖެހި އެދުގައި ކޮންމަސް ބުރިއެއްހެން ކުރުގޮޅިފައިއޮތް މުސްކުޅި ބެއިގަނޑުގެ ހަރަކާތް ވަނީ ހުއްޓިފައެވެ. މަރުވެފައިވާ މައްޔިތެއްހެން އެދުމަތީގައި އޮތް އެމުސްކުޅިބެއާ ދިމާލަށް އަހަރެން މިސްރާބް ޖެހީމެވެ.ކައިރިވަމުންދާވަރަކަށް އަހަރެންގެ އަތް އެމީހާދިމާލަށް މިސްރާބް ޖަހަމުން ދިޔައީ ސަމުގާގެ ކައްޓެއްގެ ބީދައިންނެވެ. އެއްވެސް ހުއްޓުމެއްނެތި ހަންއެލިފައިވާ މުސްކުޅިޔާގެ އަތުގައި ވަރަށްވަގުގޮތަކަށް ހިފައިލީމެވެ. ހަމައެއާއިއެކު އޭނާގެ މޫނު އަހަރެންގެ މޫނާއި ސީދާވިއެވެ. އޭނާގެ ދެލޯވަނީ އަލިގަދަ ބިގަރެއްފަދައިން ދިއްލިފައެވެ. ފަތްޖެހި އެދުގައި އޮވެގެން ވަގުގޮތަކަށް ބަލައިލައެވެ.

ކޯމަހެއް ފުންމާކަހަލަ ގޮތަކަށް ފުންމައިގެންގޮސް ތެދުވެ އޭނާ އަހަރެން ގިލިގިކޮށްޓަށް ފަށައިފިއެވެ.އެހިނދު އޭނާގެ އަގައިން ދަވަވަރުމުން ބެރުވަމުން ދިޔައީ ޅެންބައިތެކެވެ.” ޗުކު ޗުކު ތަޅުވާ” ” ޗުކު ޗުކު ތަޅުވާ” މިބައިތެވެ.

މުލޯހިތަކުން ފުރިގެންވާ އޭނާގެ ދެއަތުން އަހަރެންގެ ކެކެމުންދާ މޭމަތީގައި އަތްކާއްތަމުންދެއެވެ. އެހިނދު އަހަންނަށް ބިރުން ހުރެ” ތިޔަހެން ނުހައްދަވާށެ އިގޭތޯ ވެރީ ސޮރީ” މިހެން ބުނެވުނެވެ. އެވަގުތު އޭނާގެ ހަރަކާތް ހުއްޓުނެވެ. ހަމައެއާއިއެކު އަހަރެންގެ ދެއަތުގައި ހިފައި ފަތްޖެހި އެދުގައި އަހަރެން ބޭންދިއެވެ. އަދި ބިރުވެރި ރާގަކަށް ބުންޏެވެ. ކަލެއަށް ސަލާމަތްވާން އޮތީ އެންމެ ގޮތކެވެ. އެހެންނޫނީ އަހަރެންގެ އަނިޔާގެ ހަންޖަރުން ކަލޭގެ ކަރުބުރިކޮށްލާނަމަވެ. އަދި އަހަރެންގެ މޫނުތަކުން ކަލޭގެ މޫނު ޒަހަމް ކޮށްލާނަމެވެ. އެއީ ކޮންކަމެއްތޯ ބުނުމުން ޖަވާބުގައި އޭނާ ބުންޏެވެ. އަހަރުންގެ ފަތްމިނި ޕަރީއެއްފަދަ ދަރިފުޅާއި ކައިވެނިކުރާށެވެ. އަހަރެންގެ ދުލުން އެއްވެސް ހިފެހެއްޓުމެއްނެތި ބަސްތަކެއް ބޭރުވާން ފެށިއެވެ. ” އަނިޔާގެ ހަންޖަރަކާ، މަޖުބޫރުހު ހަންޖަރަކާ ދުނިޔޭން މަވީލޯބިމް މަޚްރޫހްވީއެވެ..” މަގޭ މަންމަ .މަގޭ ބައްޕަ.މަގޭ މެޔޯ މަށަށް ތިހެންނުހަދާ ދޫކޮށްލާ! އަހަރެން ދޫކޮށްލާ !” މިހެން ކިޔައި އަޑުގެކޮޅަށް އަޑުނަގައި އަހަރެން ހޭރިގަތީމެވެ.

އިންތިޒާރްގެ ނިމުން – ގްރޭޑް 7 ގެ ދަރިވަރެއް

އިތުރަށް ކިޔުމަށް  ޑައުންލޯޑްކުރައްވަވާ   އިންތިޒާރުގެ ނިމުން

އެތައް ބަޔެއްގެ އުންމީދު

މިއަދަކީ ހޯނޑެއްދޫ ސްކޫލަށް 45 އަހަރު ފުރުނު ދުވަހެވެ. ހޯނޑެއްދޫގައި ތައުލީމް އުގަންނައިދެވެން ފެށުނު ތަރީޚެއް ލިޔެކިޔެމުން ފެންނަން އޮތްގޮތުންނަމަ 45 އަހަރެވެ. އެހެންނަމަވެސް ދުވަސްވީ ގިނަ މީހުން ބުނާގޮތުންނަމަ އެއަށްވުރެ ގިނަދުވަސް ވެދާނެއެވެ. މިހިނދުގައި ފަށާތައުލީމް ނުވަތަ ޕްރީސްކޫލް ތައުލީމަކީ ހޯނޑެއްދޫ ރައްޔިތުން އިހުނަށްވުރެ ބޮޑަށް މިއަދު ބޭނުންވެފައިވާ ތައުލީމެކެވެ.

ހޯނޑެއްދޫގައި ޕްރީސްކޫލް ތައުލީމް މީގެ ކުރިން ދެމުންއައިނަމަވެސް އެކަށޭނަ ފެންވަރުގެ ފަށާތައުލީމް ނުލިބުމަކީ ހޯނޑެއްދޫ ރައްޔިތުން ކުރަމުން އައި ޝަކުވާއެކެވެ. އަދި އެންމެ ބޮޑަށް ބޭނުންވެފައިވާ އެއްކަމެވެ. މިއަދު އަޅުގަނޑަށް ހިތްހަމަޖެހުން ލިބެނީ ނުވަތަ އުފާވެރިކަން ލިބޭ އެއްކަމަކީ އެކަށޭނަ ފެންވަރުގެ ޕްރީސްކޫލް ތައުލީމް ދާދި އަވަހަށް ހޯނޑެއްދޫގައި ފެށިގެންދާނެތީއެވެ. ހުވަދޫ އެއިޑްގެ ހެޑިއުކެއާރ ޕްރީސްކޫލްގެ މަސައްކަތުގެ 95% ނިމަ ޖުލައި 15 ގައި ހުޅުވިގެން ދާއިރު ހަމަ ޔަގީނުންވެސް އެތައް ބަޔެއްގެ އުންމީދަކަށް ނުވެ ނުދާނެއެވެ. ބޭނުންވަނީ ޒަމާނީ ފެންވަރު ރަނގަޅު ތައުލީމެވެ. ކިތަންމެ ރީއްޗަށް އިމާރާތެއް އެޅުނުކަމުގައިވިޔަސް ދެވޭ ތައުލީމުގެ ފެންވަރު ރަނގަޅުނުކުރެވިއްޖެ ނަމަ އޭގެ މަންފާއެއް ނުކުރާނެއެވެ. އަޅުގަނޑުމެންގެ އެންމެ ބޮޑު އަމާޒަކީ މިދެންނެވި ފެންވަރު ރަނގަޅު ތައުލީމް ފޮރުކޮށްދިނުމެވެ. އަދި ފަށާތައުލީމަށް ރައްޔިތުންގެ ޖީބުން ޚަރަދުވާ ފައިސާ ލުއިކޮށްދިނުމަކީ އަބަދުވެސް އަޅުގަނޑުމެން ދެކެމުން އަންނަ ހުވަފެނެކެވެ. އެހުވަފެންވެސް އިރާދަކުރެއްވިއްޔާ ހަޤީގަތަކަށް ހެދުމަށް ކެނޑިނޭޅި އަޅުގަނޑުމެން މަސައްކަތްކުރާނަމެވެ.